Nov 042010
 2010-11-04T13:28:33+00:00

O próximo día 9 de novembro realizaremos a presentación do libro “En castellano no hay problema”, da autoría de Carlos Callón, presidente da Mesa pola Normalización Lingüística.

O libro aborda a problemática para os galego-falantes e rebate as falacias utilizadas polos defensores da supremacía do castellano

Tal e como o describe a editora

Cun título que desde o comezo pretende provocar a reflexión, Carlos Callón une neste libro textos que abordan a situación do idioma galego nos últimos tres lustros, deténdose con máis vagar na política lingüística do período do bipartito e do comezo da lexislatura de Alberto Núñez Feijóo. Nestas páxinas o autor, ademais de rebater con argumentos algúns dos prexuízos e tópicos máis asentados contra a lingua galega, analiza a situación do idioma, repasa reivindicacións, presenta alternativas, convida ao protagonismo individual para transformar a sociedade e alerta das medidas que deberían adoptar os poderes públicos. En castellano no hay problema é, en definitiva, un libro útil e operativo para a encrucillada en que se encontran a nosa lingua e a nosa cultura.

ncastellano Intervirán:
– Uxía Senlle (Música).
– Carlos Valcárcel (de Projecto Mourente)
– Carlos Callón (autor do libro).